محمد محمود يعنى ايه ؟

محمد محمود يعنى الاراده يعنى الاصرار يعنى مواجهات مع رجال السلطه يعنى الاخوان كانو لابسين طرح ودلوقت بقو حريم رسمى .

محمد محمود يعنى مواجهات لكشف الخائنين

محمد محمود يعنى رجال هتفتخر بكده وجماعه هتلبس طرح طول العمر !

محمد محمود يعنى قعدتى فى خيمة الوايت نايتس لاول مره فى حياتى بعد استشهاد شهاب الله يرحمه #UWK !

محمد محمود يعنى بنات بتهرب من مدارسهم ويمسكو بخاخات عشان يرشو ع عينك من الغاز يعنى ولاد فى اعدادى وثانوى بيهربو من مدارسهم عشان يضربو الامن ورجال السلطه الخونه !

محمد محمود يعنى يغمى عليك فى وسط الضرب وتلاقى ناس ولا تعرفها ولا يعرفوك شايلينك وبيجرو بيك ع المستشفى الميدانى !

محمد محمود يعنى المذبحة اللي كشفت للجميع خيانة العسكر والاخوان ووساختهم تحية لانبل ناس في مصر ابطال محمد محمود

محمد محمود يعنى المجد للشهداء
المجد لعيون احمد حرارة
المجد لروح خالد سعيد
المجد لمينا دانيال
المجد للاولتراس
المجد للشباب !

محمد محمود حدث تاريخى سيذكره التاريخ ان من قام بالثوره قام بتعرية والكشف عن هوية الخائنين للثوره
والذين يدعون انهم قام بحماية الثوره

محمد محمود " الثوره الذى كشفت الوجوه "


لذلك ذكرى محمد محمود ستكون فخر لفصيل معين ووسمة عار وذل على مجموعه معينه

محمود محمود يعنى ذكرى ستعيش مدى الحياه


المجد للشهداء المجد لكل مجهولى الثوره اللعنه على النخبه والنشطاء الذين فرتو وتاجرو بدماء الشهداء

وباصرار وروح وعزيمة وقوة الشباب

                                        " محمد محمود يعنى ايه ؟ "

                                     " يعنى فخر ووسام شرف لنا جميعا "