المفروض اننا كنا طالعين بالاتوبيسات وروحنا عند النادى لقينا الاتوبيسات عامله اضراب وبعدها رجعنا على محطة مصر نركب قطر وقبل ما نركب كان فى كلام بيتقال من كريم عادل اننا مش هنرد على اى عنف ولا اى مشاجرات عشان منزلين بيان صلح واننا رايحين نشجع وبس المهم اننا ركبنا القطر وفضلنا طول الطريق بيتعمل علينا كمائن ابتدت من بعد الزقازيق وعند الاسماعيلية بالذات بضرب طوب وازاز وبرجوتات على القطر والقطر ماشى وهنا حبينا نجيب طوب ف محطة بعد اسماعيلية ناس كتير رفضت وقالت لاء مجبناش حاجة فوجئنا انى الامن المركزى وقوات جيش وقفوا القطر قبل بورسعيد بحوالى 35 دقيقة من الاستاد ونزلونا وركبونا باصات ركبنا الباصات وسط تامين وعربيات جيش وبوكس ومدرعات وعربيات امن مركزى فاضيه فاضيه المهم دخلنا من اتجاه باب دخور جماهير بورسعيد ومن هنا ابتدء ضرب الطوب على الباصات وناس مننا اتصابت وسط الامن المركزى وقوات الجيش ده طله عادى بيحصل لكن اللى مش عادى اننا اول ما دخلنا بدات الهتافات من جمهور بورسعيد :العلقة بره : والشتيمه وهكذا بردوا عادى بعد كده انا خرجت بره الاستاد جبت شيبسى من محل قدام بوابة الخرج بتاعتنا ال دخلنا منها ورجعت وحطيت الموبيل ف الشاحن ورجعت قبل الشوط الاول ما يخلص بخمس دقائق فضلت بره حوالى 29 دقيقة حاطط الموبيل فى الشاحن المهم وانا داخل سمعت اتنين معفين بيقولو العيال دى هتموت النهاردة قولت عادى مفكرتش ف كلامهم دخلت الاستاد ورجعت وقفت جمب اصحابى لقيت اتنين نزلوا الملعب وضربو شماريخ ورجعو والامن عادى خالص وناس من بره الستاد بتحدف ازايز بيبسى وبعد كده الحكم صفر بانتهاء الشوط وهنا كلنا ابتدينا نحس بالقلق لكثرة الهتافات المعاديه لينا من جمهور بورسعيد وتحديدا هتاف العلقة بره العلقة بره ..وبداء الشوط التانى كان كل شوية حد ينزل ويضرب شماريخ فى اتجاهنا ويرجع والكاميرا متجبهمش ده غير البرجوتات ال بتنضرب من عندهم وتوصل لحد عندنا ثم بعد ذلك فضلنا نغنى عشان محدش يحس بقلق من ال احنا شايفينو بس كنا بصراحه كلنا مش عارفين نغنى وسط القلق ال شايفينو وقبل المتش ما يخلص ب خمس دقائق كان القلق الجامد لقينا قوات امن مركزى خرجت من على اليمين وعملو صفين بعرض الملعب نحية المدرج عندنا ثم حد من عندنا بدون ذكر اسامى نزل وكلم رتبه كانت مسؤله عن التامين من الجيش قالو متخافش مش هيبقا فى اى شغب ولا اى حاجة هنا بقا حبينا نغنى ومش عارفين من كتر القلق اللى احنا فيه وسط الارهاب اللى فى الملعب من هتافات ومن مشاحنات لدى جمهور المصرى والضرب بالشماريخ والبرجتوتات كان كتير جدا علينا قام تشكيل الامن المركزى اتفتح وبقوا واقفين لتامين خروج الاعيبه من ناحية المدرج عندنا وبس وبقا مفيش امن لمنع حد من الوصول لينا وبعدها الحكم صفر لقينا الملعب كله بيجرى فى اتجاهنا والامن واقف بيتفرج علينا حبينا نوقف الشباب ف اول المردج ومحدش يجرى بس العدد والمنظر رهيب بدانا نجرى وجرينا منا ال طلع ف اخر المدرج ومنا ال نزل على الانفاق اللى فوجئنا انها مقفوله بعد ما نزلنا ثم الكارثه بقا انى تم اطفاء النور بعد كده وبقناش شايفين حاجة مين مع مين ومين بيضرب فى مين انا طلعت فوق المدرج ف اخره وكنا كلنا ماشين بعرض المدرج ف اعلى المدرج وبننضرب بالدور ولما اتضربت وقعت على الكراسى وبقيت وسط جماهير بورسعيد ال بتضرب فينا وهنا قومت وقفت على الكرسى ف المدرج وشايف اصحابى بيتضربو وهنا فكرت احوش واتضرب واموت ولا اقف مكانى وهما مش عارفين انى تبعهم عشان لابس سوتيشرت اسود وقفت مكان قومت وقررت انى اسكت من الارهاب اللى انا شايفه وقومت متحرك نازل للصدمه الكبيره بصيت فى نفق الخروج لقيت كل اخوتنا جثث فوق بعد الجثث كلها وشهم مزرق اوووى وكله كان رجله فوق ووشهم تحت والناس بردوا بتحدف الطبو عليهم وعلى ال كان فى الاخر صاحى ووااقف والجثث فوقيه وهنا صرخت ف جمهور بورسعيد الناس ماتت الناس ماتت وبدات اشتم وبدات اشيل فيهم معرفتش قومت مطلع التليفون بسرعه وكتبت على تويتر ال حصل من غير حتى ما اتاكد منى انى كلامى وصلا ولا لاء وكتبت وراء بعض انى جثث فى الاستاد ومش عارفين نخرجها فضلت كده ف حالة زهول وسط ضرب من جماهير المصرى ف كل اللى لابس احمر وتفتيش وسرقة لينا حوالى 35 دقيقة او 40 كمان لحد ما دخلت قوات امن مش عارف اذا كانت جيش او داخلية ضربت نار فى الهواء وكله بداء ينسحب من المدرج عندنا ومتفضلش غيرنا لقينا مذيع الملعب قال كل جمهور الاهلى ينزل وسط الملعب نزلنا وسط الملعب وبقينا بنشيل فى اصحابنا واخواتنا على عربيات الاسعاف وفضلنا على كده لحد ما اللى تم اسعافه ف الملعب تم واللى مات فى مكانه وتاخد فى الاسعاف وحوالى الساعه 10 جت عربيات امن مركزى كتير ركبنا فيها لحد محطة القطر وركبنا قطر ورجعنا والقطر اقسم بالله العظيم هذا كل ما تم وشوفته وحصل قدام عينى
والصور دى اللى قدرت اصورها واحنا رايحين لحد ما رجعنا
الاوله لاسعاف وهى بتسعفنا فى الملعب ........
التانيه ...واحنا فى محطة مصر ورايحين على بورسعيد الصبح
التالته... ده المكان اللى القطر وقف عنده ودى كانت عربيتين من عربيات الامن المركزى ال كانت بتامن وصولنا للاستاد
الرابعه ..قوات الجيش ومدرعة الجيش اللى كانت بتامن وصولنا للاستاد وهدى اول ما اتحركنا بالاتوبيسات من المكان الى القطر ةقف عنده
الخامسه.. حبيت اصور منظر البحر واحنا فى الباص
السادسه ...احد الباصات بتاعتنا ساة ما صولنا وعدينا من قدام بوابة دخول المصرى وهو كسور نتجية ضرب الطوب علينا وسط الامن ال كان معانا وواحد معايا فى الباص اتعور ساعتها
السابعه... بقا دى قبل ما الحكم يصفر وتشكيل الامن المركزى ساب تامين المدرج بالعرض وراح يامن دخول الاعيبه بس
