وهشرح دلوقتى كل حاجة بالتفاصيل .......
وهى قضية الشباب العاطل اللى بيشرب مخدرات بجميع انواعها اذا كانت حشيش وبيسموها هاش دلوقتى
والحاجه التانيه اقراص المخدرات وليها اكتر من اسم على حسب المنطقه اللى انت منها مثلا ممكن يقولو كيميا
او علاج او منشط دى كلها اسامى لاقراص المخدرات اللى كل الشباب حاليا بقا بياخدها
واللى بياخد المخدرات دى من الشباب تلات انواع
1. الشاب اللى بيشتغل واخر الاسبوع يقعد اصحابه قاعده حلوه ويشربو سوء كل شئ وهقولكم ده بيبقا ازاى
2. الشاب اللى ابوه وامه بيصرفو عليها ومضيع كل فلوسه على المخدرات واصحابه اللى معرفينو سكة المخدرات
3. الشاب العاطل اللى بيتصرف باى طريقة عشان يشترى مخدرات وده اخطر واحد فيهم
هنتكلم عن الشاب الاول اللى بيشتغل ويسهر اخر الاسبوع ويجمع اصحابه ويشربو سوء
ده بيبقا عايش بيشتغل وطول الاسبوع ممكن يشرب لوحده عن طريق انه يشترى ويشيل معاه المخدرات طول الاسبوع ويجى اخر الاسبوع يشرب اصحابه وهنا دائما بيكون وسط الشله صاحب بيعرفهم عن كل ما هو جديد فى حالات شرب المخدرات وده من خلال معرفتى بيهم بيبقوا شايفين انها ساعة حظ بيعيشوها وبينسو فيها كل الظروف الوحشه اللى بيمرو بيها مثلا ليه اخوات بنات مش عارف يجهزهم ولا عارف يخطب ولا عارف يشيل قرش فبيبدء تفكيره فى انه يتعايش مع المخدرات وخلاص الحلول فى الحاله دى بتبقا بسيطه جدا وهو انى حد يرب منه وينصه مره واتنين وتلاته ويفضل وراه لحد ما هو نفسه يحس انه اللى بيعملو ده هو السبب فى كل مشاكله ومش زى ما هو بيفكر انى ده بيخليه ينسى مشاكله ........
الشاب التانى بقا ده بيبقا دلوعة بابا وماما وبابا وماما يا اما مش عارفين حاجة فى الدنيا يا اما انشغالهم فى الشغل
والكلام ده مش مخليهم مقربين من ابنهم نهائى
وبيبدء الاخ دلوعة بابا وماما انه يتصاحب على اصحاب بيشربو مخدرات وبيبقا اسمه "المنتج" بتاعهم بمعنى اى قعده حلوه او سهره يكلموه عشان يجى ويبقا هو اللى بيدفع وبيبقا تلى مش مغفل وده بقا اسمه المنتج البيه بيشرب ويشرب اصحابه وبابا وماما مش بيبقو عارفين شئ وده بيبقا بسبب اهمالهم ليه ومش بيبقا ليهم مشاركه معاه فى اخد قرار ولا سؤال للاطمنان عليه ولا اى شئ من ده يخليه يحس انى فى حد بيحبه ويخاف عليه ده علاجه تملى بيبقا عن طريق انه بيتلسع من اصحابه بمعنى ممكن حد من اللى بشرب معاهم وبيدفع لهم يفتشو وهما شاربين يعورو وهنا تفكيره بيتغير انه ليه عمل فى نفسه كده وخله نفسه يتصاحب على الناس دى وبيبقا بين خيارين يا اما يبطل شرب يا اما يشرب بس لوحده ومع نفسه وفى كلا الحالتين امره صعب شوية ونفسيته بتبقا زفت ..........
الشاب التالت بقا دى بيبقا ضحية نظام فقر وجوع وحرمان انه عايش واهله فقراء يا اما متعلم ومش لاقى شغل فيبفرغ نفسه للشارع والتعامل مع الناس منهم الوحش والحلو وبيخش فى سكة الشرب ولما بيشرب بيبقا وحش جدا بيتحول لانسان غاضب جدا واكتر الخناقات فى المناطق الشعبيه بتبقا من النوع ده من الشباب اللى هما ضحايا نظام مقدرش يحافظ لهم على
وظيفه كويسه او مقدرش يحافظ لوالده على معاش مناسب يقدر يربى بيه الابناء وبيبقا شايل جوه هموم كتير
والحاجه الوحشه هنا انه لما يزود فى الشرب يوميا وكده يبدء يفكر فى اشياء لم عمره ما فكر فيها قبل كده وهى السرقه
او يعمل مصلحه حرام والمصالح الحرام بتبقا كتير جدا وليها طرق اكتر
علاجه ده بيبقا صعب وهنا بقا يبدء يدخل فى حياته الكره للنظام والسلطه ومش بتبقا فارقه معاه شرطه ولا زفت ويتحول لمجرم فيما بعد .....................
حبيت اتكلم فى ده عشان فى ناس كتير بتقع فى الاطاء دى وانا واحد منهم
